Loading...

Buxheti 2018, Rama: Paketa më e madhe e investimeve publike

0-98.jpg

Grupi Parlamentar socialist u mblodh për të diskutuar buxhetin 2018, të cilin Kryeministri e quajti hapi i parë drejt ndërtimit të Shqipërisë që duam.

Edi Rama thotë se buxheti ka një bazë themelore dhe tepër të rëndësishme.

“Ky projekt, ky buxhet bazohet ekskluzivisht tek të ardhurat e brendshme, që është baza themelore që u jep forcë reformave që do të thellojmë me më vendosmëri dhe kurajo, pa fryrje artificiale nga borxhi i jashtëm”, u shpreh ai.

Kryeministri thotë se buxheti investon tek forcimi i mëtejshëm i shtetit, rritja e punësimit, mirëqënies dhe të ardhurat në buxhet.

“Ka brenda vetes paketën më të madhe të investimeve publike të realizuara ndonjëherë, 86.1 miliardë, ose më shumë se 5 për qind të Prodhimit të Brendshëm Kombëtar”, tha Rama.

Kryeministri e quajti të paprecedentë një nivel të tillë investimesh, ndërkohë që sipas tij, borxhi do të vazhdojë të ulet.

“Pjesën e luanit e ka infrastruktura rrugore, por nga ana tjetër ka financime në rritje në krahasim me të shkuarën edhe në ujësjellësa”, deklaroi Rama.

Komentet
Top
Njoftim nga Shqipmedia. Kemi kaluar në faqe të re. Kliko këtuwww.shqip.media