Loading...

Conte: Mua nuk më blejnë kampionë

conte10.jpg

Antonio Conte ka shprehur edhe njëherë pakënaqësitë ndaj presidencës së Chelseat, që ka nisur që pas merkatos verore dhe vijoi edhe në janar. Ish trajneri i kombëtares italiane nuk ka qenë asnjëherë i kënaqur me merkaton e kryer nga klubi dhe nuk ka ngurruar ta bëjë publik qëndrimin e tij.

“Nuk e di si ia bëjnë trajnerët e tjerë, që i bindin drejtuesit të bëjnë shpenzime marramendëse. Unë nuk ia kam dalë dot. Mua nuk më kanë sjellë asnjë kampion”, tha Conte me humor, në një konferencë për shtyp.

Tekniku i Chelseat komentoi edhe zërat që flasin për Luis Enriquen si pasues të tij në stolin londinez, pas përfundimit të sezonit.

“Luis Enriquen e njoh që nga periudha kur drejtonte Romën dhe unë Juventusin. Kam respekt për të dhe punën e tij. Është një trajner i aftë dhe bashkë kemi një marrëdhënie shumë të mirë”, tha Conte, duke mos mohuar mundësinë e largimit në verë.

Komentet
Top