Loading...

Erdogan kërcënon Bashkimin Europian !

56bc6c386d2b7.jpg

 

Presidenti turk Recep Tayyip Erdogan sot verbalisht sulmoi Bashkimin Evropian dhe Kombet e Bashkuara për shkak ndaj presionit që është kryer Turqisë për të hapë kufijtë për refugjatët, duke kërcënuar poato shtete të EU-së dhe vendet e tjera se do të dërgojë miliona refugjatë të cilët janë tashmë në Turqi, duke theksuar se do tju hap dyert të gjithë Refugjatëve.

Erdogan sot ishte i pranishëm në Asamblenë e Përgjithshme të Konfederatës së Biznesmenëve të Rinj të Turqisë (TUGIK), Erdogan deklaroi se sulmet e Rusisë dhe ato të regjimit të Esadit kundër popullatës civile në Siri janë shkaktarët kryesorë të valës së emigracionit.

Kreu i shtetit turk cilësoi si “mungesë sinqeriteti” apelin e Organizatës së Kombeve të Bashkuara drejtuar Turqisë për të hapur kufijtë për refugjatët, në vend që marrë masa kundër Rusisë, Irani dhe regjimit të Esadit, të cilët po kryejnë masakra ndaj civilëve në Siri.

“Çfarë pune bëni ju Kombet e Bashkuara? Turqia ka shpenzuar gati 10 miliardë dollarë deri më sot për rreth 3 milionë refugjatë. Sa mbështetje i keni dhënë ju Turqisë për këta refugjatë? Vetëm 455 milionë dollarë. Turp të keni, turp! Ne nuk jemi syleshë. Durojmë deri në një pikë të caktuar dhe pastaj bëjmë atë që duhet bërë. Ata që na japin neve këshilla, le t’u japin këshilla edhe vendeve të tjera anëtare të OKB-së; le t’i dërgojmë refugjatët edhe në ato shtete”, theksoi ai.

Erdogan u ndal gjithashtu mbi fondin, që Bashkimi Evropian do të japë për mysafirët sirianë në Turqi, duke nënvizuar sërish se kjo shumë do të shpenzohet për sirianët dhe jo për Turqinë.

“Ne nuk i kemi shpenzuar ato 9 miliardë dollarë deri tani sepse do të na vinin para prej jush. Këtë na e kërkonte mikpritja e bujaria jonë dhe ne këtë gjë e bëmë”, vijoi ai.

Presidenti Erdogan tërhoqi vëmendjen se disa rrethe janë kaq dritëshkurtra, saqë nuk arrijnë të kuptojnë se PYD-ja dhe organizata terroriste, PKK, nuk kanë asnjë dallim nga njëra-tjetra.

“E them haptazi: Kjo është dyfytyrësi”, shtoi ai.

 

Komentet

Leave a Reply

Top