Loading...

Erdoğan paralajmëroi mundësinë e ndërprerjes së marrëdhënieve me Izraelin

thumbs_b_c_951c9e92bf7b32456ed168f7e41d8126.jpg

Presidenti i Turqisë, Recep Tayyip Erdogan, tha se mund t’i shkëpusë lidhjet me Izraelin nëse Shtetet e Bashkuara e njohin Jerusalemin si kryeqytet të tij.Erdogan tha se një veprim i tillë do të kalonte “vijën e kuqe” për myslimanët.

Presidenti i SHBA-së, Donald Trump, ka paralajmëruar se mund ta njohë këtë javë Jerusalemin si kryeqytet të Izraelit dhe ta zhvendosë ambasadën amerikane nga Tel Avivi në qytetin e shenjtë.Jerusalemi shtë pika më e nxehtë e konfliktit izraelito-palestinez.Palestinezët e konsiderojnë atë si kryeqytet të shtetit të tyre të ardhshëm.

Izraeli, ndërkaq, e ka pushtuar Jerusalemin Lindor në luftën e vitit 1967 dhe pretendon se i gjithë qyteti është kryeqytet i tij.

Megjithatë, sovraniteti i Izraelit mbi Jerusalemin nuk është njohur kurrë ndërkombëtarisht dhe të gjitha vendet i kanë ambasadat e tyre në Tel Aviv.

“Zoti Trump, Jerusalemi është vija e kuqe për myslimanët. Ne mund të shkojmë aq larg sa të ndërpresim lidhjet me Izraelin për shkak të kësaj çështjeje”, tha Erdogan në një fjalim televiziv.

Komentet
Top
Njoftim nga Shqipmedia. Kemi kaluar në faqe të re. Kliko këtuwww.shqip.media