Fëmijët e politikanëve kosovarë që mësuan në kolegjin turk “Mehmet Akif”

affafafafafaf.jpg

Policia e Kosovës ka arrestuar gjashtë shtetas turq, punëtorë të kolegjit Mehmet Akif, shkollë e cila është pjesë e rrjetit të shkollave të klerikut Fetullah Gulen.

Ata u arrestuan nga një aksion i policisë së Kosovës dhe me procedurë të përshpejtuar u deportuan për në Turqi.

Habinë për lajmin e kanë shprehur të gjithë krerët e shtetit, përfshirë kryeministrin, presidentin dhe kryeparlamentarin.

Presidenti dhe kryeparlamentari kanë thënë që mbetet të sqarohet se çfarë realit ka ndodhur.

Këta të dy, por edhe shumë politikanë të tjerë të Kosovës i kanë vlerësuar këto shkolla.

Madje edhe fëmijët e tyre i kanë dërguar për shkollim aty.

Një gazetar turk, Ayhan Demir – për të cilin thuhet se është i afërt me qeverinë turke – kishte shkruar më parë për të përditshmen Yeni Akit në Turqi, duke treguar se cilët janë politikanët që po i dërgojnë fëmijët në shkollat, sipas tij, të terroristit Gulen.

Ai fillon me Hashim Thaçin e vazhdon me të tjerë.

“Edhe fëmijët e ish-kyeparlamentarit Jakup Krasniqit, ministrit të Ekonomisë Ahmet Shala, ministrit të Mbrojtjes Agim Çekut, ministrit të Shëndetësisë Ferit Aganit, janë diplomuar nëpërmjet bursave në shkollat e Gylenit. Tani edhe fëmijët e ministrit të Jashtëm Enver Hoxhaj, edhe fëmijët e kryeparlamentarit të Kosovës Kadri Veseli janë duke e vazhduar shkollimin në këto shkolla përmes bursave”, thekson Ayhan Demir.

Komentet
Loading...
Top