Holanda po mbyll burgjet…

Screen-Shot-2017-09-02-at-10.44.05-AM.jpg

Në vitin 2013, 19 burgje në Holandë u mbyllën sepse vendi nuk kishte mjaftueshëm kriminelë për t’i mbushur ato.

Tani, pesë të tjerë janë planifikuar të mbyllin dyert deri në fund të verës, sipas dokumenteve të brendshme të marra nga Telegraaf.

Ndërsa këto mbyllje do të rezultojnë në humbjen e gati 2,000 vendeve të punës, vetëm 700 prej të cilave do të kalojnë në role të tjera të panjohura, sipas ligjit hollandez, tendenca e mbylljes së burgjeve ndjek një rënie të vazhdueshme të krimit që nga viti 2004.

Problemi i qelive boshe të burgut madje ka arritur deri në atë pikë ku, në shtator 2016, Holanda importoi 240 të burgosur nga Norvegjia vetëm për të mbajtur të mbushura ndërtesat.

Megjithatë, sipas raportit të Telegraaf, Ministri i Drejtësisë Ard van der Steur njoftoi në parlament se kostoja e mbajtjes së burgjeve të mbushura pakëz, ishte kosto rënduese për vendin e vogël.

Një numër faktorësh nxjerrin në pah aftësinë e Holandës për të mbajtur nivelin e krimit aq të ulët, përkatësisht ligjet e lehta të drogës, një fokus në rehabilitimin dhe jo dënimin dhe një sistem monitorimi elektronik, që lejon njerëzit të ri-hyjnë në fuqinë punëtore.

Një studim i publikuar në vitin 2008 zbuloi se sistemi i monitorimit të kyçit të këmbës redukton ritmin e përsëritjes së veprave penale deri në gjysmë, krahasuar me burgimet tradicionale. Në vend që të humbasë në një burg, duke ngrënë nga paratë e shtetit, kriminelit të dënuar i jepet mundësia për të kontribuar në shoqëri.

Edhe pse Holanda ka një popullsi prej 17 milionë banorë, vetëm 11,600 njerëz janë mbyllur në burgje. Kjo është një normë prej 69 burgimesh për 100,000 njerëz.

Ndërkohë, SHBA-ja ka një normë prej 716 për 100,000 – më e larta në botë. / Bota.al

Komentet
Top