Loading...

Hoteli i ri “CR7” në Paris. Ronaldo, 6 hotele gjithsej

auto_430AD4EF00000578-4767342-Cristiano_Ronaldo_is_pictured_at_Madrid_Airport_ahead_of_his_sid-a-28_15020968654821502099347.jpg

Cristiano Ronaldo ka zgjedhur Parisin për të ndërtuar hotelin e tij të 6 nën markën “CR7”. Lajmi është publikuar nga grupi i hoteleve “Pestana”, ku futbollisti i Juventusit është aksioner, transmeton Top Channel. Në komunikatën për shtyp theksohet se, përurimi i këtij hoteli është parashikuar të bëhet në vitin 2021.

“Hoteli do të jetë me 4 yje dhe do të ketë 210 dhoma. Me këtë kapacitet, ai do të jetë më i madhi i rrjetit CR7”, kanë deklaruar përfaqësuesit e grupit “Pestana”.

Bëhet fjalë për një investim prej 60 milionë eurosh dhe, si të gjitha hotelet e ndërtuara deri më tani, investimi do të jetë 50 me 50, pra gjysmën e investimit do ta bëjë 5 herë fituesi i ‘Topit të Artë’ dhe pjesën tjetër grupi ‘Pestana,thuhet më tej në deklaratë. Ylli portugez ka përuruar në vitin 2016 hotelet e tij të para në Lisbonë dhe në Madeira, në vendlindjen e tij, ndërkohë që brenda vitit 2020 duhet të hapë edhe 3 hotele të tjerë në Madrid, Nju Jork dhe Marakesh.

Komentet
Top