Mourinho: Nder i veçantë të jem menaxher i Manchester Unitedit

0-187.jpg

Manchester Unitedi ka nënshkruar kontratë tre vjeçare me Jose Mourinhon, i cili për faqen zyrtare të klubit anglez është shprehur se është një nder i veçantë që do ta menaxhojë Unitedin.

Ai ka nënshkruar kontratë tre vjeçare me opsion të qëndrimit deri më 2020, transmeton Koha.net. Portugezi e zëvendëson trajnerin holandez Louis van Gaal, i cili nuk arriti të përmbushë pritshmëritë e Djajve të Kuq.

“Të bëhem trajner i Manchester Unitedit është një nder i veçantë. Është një klub i mirënjohur dhe i admiruar në gjithë botën. Ka një misticizëm dhe romancë rreth saj që asnjë klub tjetër nuk e ka”, është shprehur Mourinho.

Ai më tutje ka thënë se gjithmonë ka pasur një tërheqje ndaj Old Traffordit.

“Gjithmonë kam ndjerë një tërheqje nga Old Traffordi, ka qenë nikoqire e disa kujtimeve të rëndësishme në karrierën time dhe gjithmonë jam kënaqur me raportin tim me fansat e Unitedit. Nuk më pritet që jem menaxher i tyre dhe të kënaqem me mbështetjen e tyre në vitet e ardhshme”, është shprehur portugezi.

Komentet
Loading...

Leave a Reply

Top