Loading...

Si u mund ISIS përfundimisht? (VIDEO)

p074d52z.jpg

Forcat Demokratike të Sirisë (SDF) të udhëhequr nga kurdët thonë se kalifati pesëvjeçar i grupit të Shtetit Islamik ka marrë fund pas humbjes së militantëve në Siri.

Luftëtarët e SDF kanë ngritur flamuj të fitores në Baghuz, bastionin e fundit të grupit xhihadist, njofton Klan Kosova.

Por, ndërsa filluan festimet, pati edhe paralajmërime se ISIS mbetet një kërcënim i madh global për sigurinë.

SIS kontrolloi rreth 88 mijë km2 në tokën që shtrihet përgjatë Sirisë dhe Irakut.

Pas pesë vjet beteje të ashpra, forcat lokale mbështetur nga fuqitë botërore luftuan vazhdimisht ISIS-in, shkruan BBC.

Si u zhvillua beteja përfundimtare?

Aleanca e SDF filloi sulmin e fundit kundër ISIS-it në fillim të marsit, me militantët e mbetur të fshehur në fshatin Baghuz në Sirinë Lindore.

Aleanca u detyrua të ngadalësonte ofensivën e saj pasi doli se një numër i madh i civilëve ishin atje, duke u strehuar në ndërtesa, tenda dhe tunele.

Mijëra gra dhe fëmijë, shtetas të huaj, u larguan nga luftimet dhe pamundësia për të shkuar në kampet e drejtuara nga SDF për personat e zhvendosur.

Shumë luftëtarë të ISIS-it kanë braktisur Baghuzin, por ata që kanë qëndruar kanë vendosur rezistencë të ashpër, duke vendosur bomba vetëvrasëse dhe bomba në makina.

“Forcat Demokratike të Sirisë deklarojnë eliminimin e plotë të të ashtuquajturit kalifat dhe humbjen territoriale prej 100% të grupit të ISIS-it”, shkroi në Twitter Mustafa Bali, kreu i zyrës së mediave të SDF.

Duke konfirmuar fitoren, gjenerali i SDF, Mazloum Kobani, tha se forcat do të vazhdonin operacionet kundër mbetjeve të ISIS-it, të cilat ai tha se ishin “një kërcënim i madh për rajonin tonë dhe gjithë botën”.

Ai i bëri thirrje qeverisë siriane, e cila ka premtuar të rimarrë të gjithë vendin, të njohë zonat autonome që janë nën kontrollin e SDF.

I dërguari i SHBA në koalicionin, William Roebuck, tha se lajmi ishte një “piketë kritike”, por shtoi se ISIS mbetet një kërcënim “në rajon, në Shtetet e Bashkuara dhe aleatët tanë”.

Komentet
Top
Njoftim nga Shqipmedia. Kemi kaluar në faqe të re. Kliko këtuwww.shqip.media