Teatrot më të bukur në Itali – FOTO

Teatro-San-Carlo.jpg

Italia është e pasur me Teatro të bukur dhe historikë Operash, shumë prej të cilëve funksionojnë ende si të tillë. Artdashësit duhet të vizitojnë të paktën një teatër në Itali dhe të shijojnë një shfaqje aty.

Sezoni zakonisht fillon në tetor dhe përfundon në mars apo prill, ndërsa shfaqjet e hapura zhvillohen në verë.

 

Teatro Alla Scala

Teatro Alla Scala, teatri i famshëm në Milano, u rihap në dhjetor të vitit 2004, pas një restaurimi të gjerë. Ndërtesa përfshin edhe një librari, një bar dhe një muze historik. Ndërtesa origjinale e teatrit u projektua nga arkitekti neoklasik Giuseppe Piermarini, e hapur në vitin 1778 dhe shumë vepra të famshme janë vënë në skenë për herë të parë këtu. La Scala u bombardua keq gjatë Luftës së Dytë Botërore por u rihap në vitin 1946 dhe shumë shpejt fitoi reputacionin si një ndër teatrot më të mirë në Itali.

 

La Fenice në Venecia

La Fenice në Venecia është një nga teatrot më të famshëm në Europë. La Fenice u hap për herë të parë në vitin 1792 por u shkatërrua dy herë keq nga
zjarri. Kohët e fundit La Fenice është restauruar dhe rihapur. Ndodhet pranë Piazza San Marco.

 

Teatro di San Carlo

Teatro di San Carlo në Napoli është teatri më i vjetër në Itali, në vitin 1737. Opera, shfaqje baleti dhe opera të shkurtra komike vijojnë të vihen në skenë në Teatro di San Carlo. Ndërkohë është planifikuar edhe ndërtimi i një muzeu.

 

Teatro Comunale në Bolonja

Teatri në Bolonja është një ndër më të bukurit në Itali dhe gjithashtu një ndër më të vjetrit. Është një shembull mbresëlënës i arkitekturës baroke të shekullit XVIII. Teatri ndodhet në zemër të zonës historike të Bolonjës. Në të zhvillohen opera, shfaqje muzikore e simfonike.

 

Teatro Massimo në Palermo

Teatro Massimo në Palermo është një ndër teatrot më të rëndësishëm në Sicili dhe një ndër më të bukurit në Europë. Ai u hap së pari në vitin 1897 dhe shënoi fillimin e belle epoque në Palermo. Gjatë gjithë vitit shfaqen opera, shfaqje baleti dhe muzikore.

 

Teatro Regio në Parma

Teatri neoklasik i Parmës u ndërtua në vitin 1829. Në skenën e tij vihen opera, performanca kërcimi, drama, koncerte etj.

 

Teatro Verdi në Pisa

Teatro Verdi në Pisa është një ndër teatrot më të bukur në Italinë Qendrore. Salla me 900 vende u përurua në vitin 1867 në tavanin e të cilit është pikturuar një afresk i mrekullueshëm. Në të zhvillohen opera, shfaqje muzikore, drama etj.

 

Teatro Regio në Torino

Teatro Regio, një teatër i rëndësishëm lirik në Piazza Castello, një shesh i bukur në Torino, është rindërtuar në vitin 1973. Teatri origjinal i shekullit XIX u shkatërrua nga një zjarr në vitin 1936. Është një vend popullor për shfaqje muzikore, teatrore dhe opera.

 

Teatro dell’opera në Romë

Roma ka një teatro të bukur ku zhvillohen mjaft koncerte klasike kërcimi dhe shfaqje operash. Në verë, këto shfaqje mbahen në Banjat antike të Caracalla, një vend i mrekullueshëm për të ndjekur një shfaqje artistike nën yjet e mbrëmjes.

 

Arena di Verona

Edhe pse nuk është një Teatro, Arena di Verona është një vend fantastik për shfaqje artistike. Sezoni fillon në qershor, por ndonjëherë në të zhvillohen edhe evente të tjera gjatë vitit.

 

Puccini Festival

Puccini Festival mbahet në muajin korrik dhe gusht në Torre del Lago Puccini, dikur shtëpi e kompozitorit lirik Giacomo Puccini. Skena e re në natyrë është në një mjedis të bukur me pamje nga liqeni.

 

Sferisterio Opera Festival

Sferisterio Opera Festival zhvillohet në një skenë të hapur në fshatin Macerata, në rajonin Marche të Italisë Qendrore. Shfaqjet zhvillohen në korrik dhe gusht me artistë të nivelit të lartë.

Burimi: Tripsavvy

Komentet
Loading...
Top