Evropa i jep lamtumirën tarifave roaming

0-4.png

Pas 15 Qershorit, qytetarët evropian mund të përdorin telefonin e apo tabletin e tyre në çdo vend anëtar të BE-së pa paguar asnjë tarifë shtesë e njohur ndryshe edhe si Roaming.

Kjo do të thotë përdorim të shërbimeve mobile, e veçanërisht internetit mobil, pa u trembuar nga faturat e çmendura ndërsa qytetarët udhëtojnë në bllokun e 28 anëtarëve.

Konkretisht nëse një qytetar Evropian paguan çdo muaj një pako me minuta, SMS dhe internet në vendin e tij, çdo thirrje, SMS apo konsum interneti i bërë gjatë udhëtimit në një vend anëtarë do të hiqet nga volumi i pakos sikur të ishin në vendin e tyre pa asnjë kosto ekstra.

“Pas afro 10 vitesh, Bashkimi Evropian vendosi ti jepte fund ankthit roaming i cili kishte torturuar qytetarët që nga fillimi i epokës mobile,” tha Zëvendës Presidenti i Komisionit Evropian Andrus Ansip.

Falë rregullores së re, qytetarët nuk kanë pse të shqetësohen për tarifat roaming ndërsa udhëtojnë jashtë. Numërimi mbrapsht drejt heqjes së tarifave roaming ka filluar.

Komentet
Top