Shqiptari nga Shkupi i jep dajak sulmuesit të Zijadin Selës në burgun e Shutkës

sulmuesi12-696x393.jpg

Një i ri shqiptar ka rrahur sot në burgun e Shutkës njërin prej maqedonasve që sulmoi Zijadin Selën në ditën e përgjakshme të 27 prillit në Parlamentin e Maqedonisë, njoftojnë për Gazetën Lajm burime nga burgu.

Ai e ka rrahur sulmuesin e Selës me urdhër të pjesëtarëve të Grupit të Kumanovës, të cilët gjenden në burgun e Shutkës, thonë burimet tona.

Autoritetet e burgut dhe policia ende nuk e kanë konfirmuar këtë incident.

“Ne burgun e Shutkës, sot, një i ri nga Shkupi me urdhër të Grupit të Kumanovës rrahu kriminelin qe e kishte rrahur Selën. E nxori hakun e Selës. Kjo tokë e Iliridës nuk duron më sundim, shpejt do të marrim hak për të gjithë”, kanë shkruar disa të rinj në rrjetet sociale, pa bë të ditur identitein e saktë të sulmuesit të Selës.

Në burgun e Shutkës gjenden disa të akuzuar për dhunën e 27 prillit.

Komentet
Top